كشف النجم المصري عمر مرموش لاعب نادي آينتراخت فرانكفورت الألماني، عن لاعبه المفضل في ألعاب الفيديو الشهيرة “البلاي ستيشن”.
وقال مرموش خلال حواره مع الإعلامية إسعاد يونس، المذاع على قناة dmc: “بلعب بلاي ستيشن بنفسى فى النادى اللى بلعب فيه، وبقول لنفسى فى اللعبة إيه ده متشوت عدل، وبكلم نفسى أنت كويس هتجيب جون ومش مشكلة فى الفرصة اللى ضاعت هتيجى فرصة تانى”.
وأضاف: “اللاعب بيكون مضغوط من أهله واصحابه وكل الناس، والكورة يوم فوق ويوم تحت، وبحط لنفسى مستوى معين أثبت عليه، وبفكر بنفسى أنا مين وعملت إيه ووصلت لدا كله إزاى؟، وديما بحط لنفسى مستوى معين علشان أقدم ماتش كويس”.
وأتم نجم آينتراخت فرانكفورت: “لما بدخل الملعب بتحول، بكون بره لذيذ وطيب وفى الملعب بتغير، ومحبش أخسر وعاوز كل اللى حوليا مركزين ومصحصحين، وبحاول أكون إيجابي ومفيد مع الفرقة”.